បន្ទាយមានជ័យ៖ កម្លាំងកងការពារព្រំដែនលេខ ៥០៣ បានឃាត់ខ្លួនពលករ ២នាក់ និងមេខ្យល់ ២ នាក់ បំរ៉ុងលួចឆ្លងដែនចេញទៅប្រទេសថៃដោយខុសច្បាប់។

មនុស្សទាំង ៤នាក់ ក្នុងនោះមានស្រី ២នាក់ត្រូវបានឃាត់ខ្លួន កាលពីថ្ងៃ២២ ខែកញ្ញា មិ្សលមិញនៅពេលដែលពួកគេកំពុងដឹកជញ្ជូនឥវ៉ាន់ តាមម៉ូតូ និងម៉ូតូកង់បីនៅភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ ។

បច្ចុប្បន្នពលករទាំង ២នាក់ ត្រូវបានបញ្ជូនទៅឲ្យក្រុមការងារចំរុះច្រកអូរបីជាន់ ដើម្បីបញ្ជូនទៅមណ្ឌលចត្តាឡីស័កតាមដានពិនិត្យសុខភាព។ ចំណែកមេខ្យល់ ២នាក់ រួមនឹងវត្ថុតាងបានប្រគល់ទៅឲ្យកម្លាំងកងរាជអាវុធហត្ថខេត្តបន្ទាយមានជ័យ ដើម្បីបន្តស្រាវជ្រាវរកអ្នកពាក់ព័ន្ធចាត់វិធានការតាមផ្លូវច្បាប់៕